– Me har litt ferie kvar dag

I mai 2020 overtok Janneke Wijgergangs og Martijn Bellemakers gard, kraftstasjon og tre turisthytter på Fossane i Vormedalen. Det nederlandske paret kom først til Suldal i 2006, men det var på Fossane Gard dei skulle få oppfylla draumen om å eiga og driva si eiga reiselivsverksemd.

Les meir

– Me er på rett plass

I 2008 flytta Signe (53) og Torsten (50) til den litle bygda Fister i Hjelmeland kommune. Sønene deira, Sebastian (31), Leon (24) og Ole (19), blei med på flyttelasset til Norge. – Det har gått riktig bra for alle tre, konkluderer Signe og Torsten, 14 år seinare.
Les meir

Frå pelsdyrbønder til glamorøs reiselivssatsing

For over fire år sidan annonserte Solberg-regjeringa eit forbod mot pelsdyrhald. Pelsdyrbøndene ventar framleis på erstatning, men Reidar (64) og Sissel (58) Helgesen er allereie på god veg inn i ei framtidsretta reiselivssatsing på småbruket Hetlevik på Randøy.
Les meir

Familieliv mellom fjell og fjord

Ruth-Iren (37), Anders (40) og dei tre barna deira trivst godt mellom fjell og fjord, på garden Sedberg i Årdal. Anders har jobb i heimbygda, medan Ruth-Iren pendlar til Tau.
Les meir

Bygde husdraumen på Hjelmeland

Då Espen Bomark (30) frå Bråstein i Sandnes blei kjent med Natalie Jansen (27), hadde han ingen plan om å busetja seg i heimbygda hennar. Nå har dei blitt foreldre til to gutar, og bygd seg ein husdraum i sentrum av Hjelmeland.
Les meir

Sommarmarknad og sidertur til Buhagen

Name: Hjelmeland kommune
Price range: $

Tidspunkt: 23. juli

Stad: Hjelmelandsvågen og Buhagen

Velkommen til sommarmarknad i Hjelmelandsvågen!

Det blir salsboder med lokale produkt, du kan besøkja sommarutstillinga "På spinnesida: Vevnad" i Spinneriet, det blir underhaldning og aktivitetar og du får ferietips frå turistverten!

I samband med sommarmarknaden blir det òg høve til å oppleva sideria i Hjelmeland!

Denne laurdagen går turen til Buhagen!

Avreise med båt eller buss frå Hjelmelandsvågen kl. 13.00.

Ei gruppe startar i den restaurerte skuta M/S Lyngøy. Her får du servert rømmegraut med spekemat og eplemost. Båten tek deg til Osmundshavn i Jøsenfjorden før den legg til kai på Skiftun og besøk hos Buhagen for omvisning og moglegheit for å smake på produkta deira.

Ei anna gruppe blir med Jøsneset transport i buss til Buhagen, der dei også får omvisning og moglegheit for å smake på produkta deira.

Dei som startar med båt, går over i buss på Skiftun tilbake til Hjelmelandsvågen. Og dei som starta med busstransport går om bord i M/S Lyngøy for tilbaketur til Hjelmelandsvågen.

Billett:

Pris kr 700,- pr. person. Prisen inkluderer transport, mat og smaksprøvar.

Billett kan du bestille hos turistverten på tlf. 404 39 157. Du kan også sende ein e-post til turistvert@hjelmeland.kommune.no eller koma innom i opningstida måndag til fredag kl. 10 - 15.30.

Det er plass til totalt 24 deltakarar - 12 med båten og 12 med bussen.

Påmeldingsfrist: Fredag 22. juli kl 14.

Hjarteleg velkommen til sidertur og sommarmarknad!